Skattalisti auðmanna frá Lichtenstein

Ég skrifaði um þetta fyrir rúmum mánuði og reyndi þar undir rós að koma orðum að því að ég hafi heyrt að nöfn Matiesenana væru á þessum lista og að það væri ástæða þess að Skúli ríkisskattstjóri vildi ekki gefa hann upp.

Upplýsingarnar komu í gegnum mann sem þekkir mann sem þekkir mann og sá sem er á síðasta endanum (fyrrum starfsmaður skattsins) er eitthvað hræddur við að koma fram í ljósið og staðfesta þetta. Ég get því ekki selt þetta dýrar en ég keypti það.

Og það er heldur ekki hægt að afsanna það af því Skúli ríkisskattstjóri situr á þessum lista og harðneitar að sýna hann.

Eftir að hafa horft á Silfrið fannst mér einhvernvegin eiga við að minna á þessa færslu sem ég skrifaði 15 okt. Þá voru svo mikil læti útum allt og kannski ekki skrítið að fólk skuli ekki hafa haft meiri áhuga á þessu þá. Of mikill hvirfilbylur. En ég skora á þig að lesa þetta og fletta líka í gegnum linkana sem eru í greininni af því blaðamenn Moggans reyndu í marga mánuði við þetta mál sem aldrei náði nægilegri athygli annarsstaðar.