Lummó has beens

Mikið voru þeir hallærislegir þessir kumpánar sem tóku yfir borgina í kvöld, standandi þarna haldandi fyrir tippin á sér, eins og punghræddir varnarmenn í old-boy´s bumbuboltaliði.
Mun frambærilegri voru einstaklingarnir sem stóðu fyrir aftan þá. Það fólk var þó allavega ekki með hárkolllu eða tæringu sem birtist í litarhafti er minnti helst á skordýr þau sem ég sá einu sinni í kolanámu í Wales -en þannig voru þeir báðir tveir, nema hvað að annar var vatnsgreiddur og hinn með hártopp.

Þegar Vilhjálmur taldi sér það til tekna að hafa starfað með Sambandi íslenskra sveitafélaga í sextán ár þá fannst mér hann vera að tala um SÍBS sem er skammstöfun yfir Samband íslenskra berkla- og brjóstholssjúklinga. Bara svona ósjálfráð tenging í heilanum mínum af því hann lítur þannig út einhvernveginn... og hinn líka... og erðaþáfurða að ég beini ekki minni dýrmætu athyglisgáfu ótakmarkað að innlendu stjórnmálabrölti? Er þá ekki skemmtilegra að lesa Andrésblað? Ég held nú það.

Árni Johnsen hin siðblindi er á þingi og núverandi og tilvonandi borgarstjórar líta út eins og eitthvað sem tískuhommar á borð við sjálfa mig myndu ekki einu sinni snerta með fjarstýringu úr fljúgandi diski. Spillingin minnir á eitthvað sem viðgengst núna í áttavilltum Austur-Evrópuríkjum og allir eru bara hressir. Það sést þó maður standi á Þorskafjarðarheiði að Björn Ingi er töluvert siðblindur og allir eru bara hressir.

Afsakiði meðan að ég æli.