Skemmtaramaðurinn knái , 300 og Sturlungaöld

Þetta er hann Felix Kubin.
Ég kynntist honum á dansgólfi á hommaskemmtistað fyrir 12 árum. Hann er samt ekki hommi. Hann er einhverskonar tón-listamaður. Hann er frekar frábær.
Áðan fékk ég tölvupóst frá Felix.
Ég hafði ekki heyrt í honum mjög lengi.
Hann langar að koma til Íslands að spila á skemmtarann sinn en hann veit ekki hvernig hann á að bera sig að.
Ég veit ekki heldur hvernig hann á að gera það. Ég kann ekki á skemmtara. Mér datt í hug að hann gæti talað við Göte stofnunina... en það er náttúrlega búið að leggja hana niður. Felix er sko þýskur. Hann er svo frægur í sínu heimalandi og sinni kreðsu að honum er alltaf boðið að koma og spila hér og þar. Ég veit samt ekki til þess að nokkur maður þekki hann hér á landi. Jú... Dr. Gunni... enda er hann sérfræðingur í að þekkja tónlistamenn sem eiginlega enginn annar en hann þekkir. Svona öndergránd bönd.

Áðan sá ég myndina 300 men. Hún var rosa skemmtileg. Mjööööggggg mikið testósterón. Og allir málaðir eins og í leikhúsi. Mikið af tölvufiffi. Mikið af allskonar. Þetta var hin besta skemmtun.
Ég fór að hugsa um víkingana og af hverju engum hefur enn tekist að gera almenninlega mynd um það sem gekk hér á bakk in ðe deis. Þegar jaxlar flugu úr mönnum og voru geymdir í vasa morðingja ef þeir kynnu að koma að notum síðar... þegar konur neituðu að splæsa hári af því þær kunnu ekki við að láta berja sig... já...? Hvar eru þessar myndir? Ég held að við verðum að fara að hysja upp um okkur (við-Íslendingar) áður en Hollywood hisjar niðrum okkur. Hrafninn flýgur var ekki alveg að gera sig... og þar fyrir utan þá væri hægt að gera þetta svo flott í dag með öllu tæknififfinu sem býðst.