Dópistaglens

Mér finnst þetta 911 dópistadót í Kastljósi frekar eitthvað??.
Ætli þetta komi ekki einhverjum að gagni? Veit ekki alveg hverjum. Spenntum áhorfendum sem fara nú að óttast fíkniefnavá sem aldrei fyrr. Eða ekki?

Gat nú líka skeð að mesta ruglið væri í Keflavík þar sem einhver skemmtistaðurinn fjárfesti nýlega í "froðuvél" til að geta fyllt dansgólfið með froðu. Einmitt. Frábært að vera búin að kjamsa á epillum og falla svo í froðutrans þar sem hægt er að nauðga, káfa og hnupla úr vösum þeirra sem eru týndir í froðunni, týndir í froðunni, týndir í froðunni.

Mér finnst hann Simmi samt gera þetta vel. Gaman að láta hann leiða sig um undirheima Keflavíkur. Töluvert skemmtilegra en að fara um undirheima Evróvisjón. Það súra helvíti. Keflavík og Evróvisjon. Tveir heimar sem draga fólk út í fíkniefnaneyslu. Það segir mér enginn að ABBA hafi ekki verið að dópa og að Eiki hafi aldrei tekið oní sig.