Arrrrgggggg!!!!

Stundum nýtir fólk tímann í jarðarförum til að syrgja ýmislegt annað en látnu manneskjuna.

Það syrgir hitt og þetta sem það hefur ekki gefið sér tíma til að syrgja áður og tárin fara að flæða og einhver hugsar: "Ekki vissi ég að honum  hefði þótt svona vænt um Fjólu gömlu," en þá er hann kannski ekkert að gráta Fjólu heldur Siggu sem sveik hann í tryggðum eða einhverja aðra manneskju sem dó fyrir löngu, eða bara heimsbölið og kosmíska tómarúmið sem togar í tilvistina annað slagið og spyr "Til hvers ertu eiginlega hérna"?

Mér hefur verið hugsað til þessa í samhengi við mótmælin. Kannski eru þarna einhverjir í hálfgerðri jarðarfarar þerapíu að ná úr sér reiðinni? Reiðinni yfir þessu ÖLLU. Brjálaðir feministar sem eru reiðir út í karlmenn, karlar sem eru reiðir út í mömmur sínar, konur sem eru reiðar yfir launamisrétti, unglingar sem eru reiðir af því hormónarnir gera mann reiðan, konur sem eru reiðar út í menn sem fóru illa með þær, menn sem eru reiðir út í konur sem fóru illa með þá, kennarar sem eru reiðir af því enginn ber virðingu fyrir þeim, grænmetisætur sem eru reiðar af því úrvalið er svo lélegt... og svo framvegis...

Já, maður spyr sig.

En ég held samt að fólk sé aðallega reitt vegna þess að Geir og kærastan hans á þinginu hafa ekki hlustað á það sem mannskapurinn hefur haft að segja og ekki beðist afsökunar á neinu heldur bara alltaf bent á heimskreppuna.
Held að það sé mjög reitt yfir hrokanum og yfirlætinu sem einkennist meðal annars af setningum eins og "Ég mótmælti líka stundum þegar ég var ung" og "Það hafa allir rétt á skoðun."...


Það vill enginn láta koma fram við sig eins og barn þegar manni er mikið niðri fyrir og ef það er gert þá er hætt við mikilli reiði. Og þessi reiði braust út á þriðjudaginn og með henni flaut eflaust allskonar önnur reiði í leiðinni en við fáum víst aldrei að vita neitt um það.

Fokkingfokking fokk shit fokk...