Stórkostleg máltíð

Í kvöld voru hér sem endranær gestir í mat. Við borðuðum eina ljúffengustu máltíð sem ég hef fengið lengi og hér kemur uppskriftin, því eins og konan í New York sagði "Sharing is Caring".

here goes:

Ofnbökuð laxaflök:

Maður kryddar laxinn með sítrónupipar og salti og kreistir yfir hann sítrónu, lokar inni í álpappír og setur í ofninn á 180 í svona hálftíma. Fer eftir því hvað flökin eru stór. Svona eldast laxinn í eigin safa og verður sjúklega góður.

KúsKús með kóríander og læm:

Þetta fæst bara í Haggaub og er eins einfalt og hægt er að hugsa sér í framreiðslu.

Soðið spínat:

Þá setur maður oggu vatn í botninn á breiðum potti og smellir svo slatta af spínati ofan í þegar vatnið byrjar að sjóða. Lætur lok á og gufusýður þannig spínatið í fimm mínútur.

Jógúrt og myntusósa:

Ein, hrein bíóbú jógúrt, hálf gúrka og smá piparmyntulauf. Gúrkan og laufin eru smátt söxuð og sett út gúrtina. Helst látið bíða í kæli í nokkra tíma áður en borðað er.

Þetta kombó er ótrúlega einfalt, fljótlegt og bara meiriháttar gott.

N-joy!