Neimdropp1-Evan McGregor

Orðaskipti og radíus.

Ég var í sama radíus og Evan McGregor fyrir nokkrum árum. Við sátum nokkrar vinkonur saman á kaffihúsi í Hollywood og viti menn.... Allt í einu kemur Evan trítlandi með sixpensarann sinn. Vinkona mín var að segja okkur frá því hvað hún væri með viðkvæman endaþarm. Sagðist fá gyllinæð af því að setjast upp í Toyotu sem væri eldri árgerð en 2000 módel. Og þá kemur Evan. Ég held að við höfum allar verið fegnar að hann talaði ekki íslensku.
Evan settist á næsta borð, sem var mjög, mjög stutt frá. Tók af sér pensarann og dró upp sígarettupakka. Spurði hvort okkur væri sama þó hann reykti og gott ef hann bað ekki líka um eld. Við urðum allar gífurlega starströkk enda fáir menn jafn hlaðnir sjarma og þessi heimsþekkti leikari. Skömmu síðar kom konan hans. Lítil, dökkhærð og fögur ýtandi kerru með litlu barni á undan sér. Sæt þrenning.

Endir