Rowwwrrrrr

Það er ekki mikið í gangi hvað varðar tuð og skoðanir. En úr PERSÓNULEGA FRÉTTABRÉFINU eru nokkrir heitir pistlar:

Í gær horfði ég, ásamt nokkrum sætum strákum, á góðar heimildamyndir þar sem spekúlantinn Richard Dawkins heldur því fram að trúarbrögð séu rót alls ills. Ekki svo galið.

Sjálf aðhyllist ég það sem maður getur kallað lögmál andans. Og ef sett er orðið "quantum" fyrir framan þá virkar það vísindalegra og flottara. Þegar ég nota orðið guð þá veit enginn nema fuglinn fljúgandi hvað ég á við og þessvegna er trú mín jafn undarlega órætt einkamál og draumurinn sem mig dreymdi í fyrradag.
Mér dettur ekki í hug að ætla að klína þessu upp á nokkurn mann og lít þannig á að trúarbrögð séu ávísun á vandræði.

Núna eru tuttugu mínútur eftir af vinnunni. Er að fara að sækja Eddu. Búin að ákveða að fara á pressuball. Hef aldrei lagt í það áður. Ætla að droppa á Subway fyrst og borða Kosher loku með hinum jórturdýrunum. Hef ekkert að gera við ket og bús þar sem ég er á því að ket láti fólk fá ristilstruflanir og harðlífi og bús...

Er-a svo gott
sem gott kveða
öl alda sonum,
því að færra veit
er fleira drekkur
síns til geðs gumi.

Já, og með því að halda mig við Kosherinn spara ég um 4000 krónur.

Uppáhalds maðurinn minn mun standa með Silvíu Nótt á sama tíma. Vonandi vinnur hún. Silvía er æði. Keppir laugardaginn 18. Munum að kjósa rétt.

Fór í Laugar í gær og borgaði 3600 fyrir að fá að sloppahommast með Erni undursamlega í gufum. Þetta var ógeðslega næs en ég held samt að það sé skynsamlegra að borga 6000 og fá nudd í leiðinni. Merkilegt samt. Sumt finnst manni rosa dýrt en annað ekki. Gildi peninga er stúdía út af fyrir sig. Þetta var ekki ærgjald. Kannski tíu þorskígildi. Gufa fyrir tíu þorskígidli. Er það ekki ágætur díll? Sérstaklega þar sem maður borðar ekki þorsk.