"Frímúrarar" eru...

...plebbalegir kallar sem eru fyrst og fremst uppteknir af innkomu hvers annars.

Plebbalegir, rauðir karlar með ýstru og vindil. Karlrembur sem segja hohoho og vanda sig að hlægja digurbarkalega. Heildsalar og fasteignasalar og bílasölueigendur og jafnvel forstjórar einhverra "fyrirtækja" og fyrirtækja.

Menn sem áttu flestir fátæka foreldra en komust síðar í álnir. Ekki alltaf góð útkoma. Borðsiðirnir enn úr heimahúsum. Það er slafrað í sig og svo er kyngt niður með snobbi. Og snobb er alltaf svo óþægilegt þegar maður veit að það er ekkert nema minnimáttarkennd á bak við það. Sjálfsfyrirlitning og fortíðarafneitun.

Brot úr samræðum "frímúrara":

"Já, og hverra manna ert þú svo vinurinn?"
"Hann Kjartan var víst að kaupa sér litla rellu með Jóhannesi"
"Og hverjir ætla að kaupa sig inn?"
"Fáðu þér nú meira viskí kallinn"
"Bleeesssaððurrr kallinn"
"Og eru þeir sterkir?"
"Viltu gefa mér kaffi vinan?"

...svo halda púðlukonurnar þeirra litlar samkomur þar sem þeir sitja með ýstrurnar á lærunum í rokkókó sófum í sjúklega snyrtilegum stássstofum í einbýlum og raðhúsum á Seltjarnarnesi og Garðabæ, sjúga vindlana og borða skinkuna og segja hohoho og kjaga inn í eldhús til að ná í meiri bjór...

Kjósa allir Sjálfstæðisflokkinn og Framsókn.

Ég vona að þetta træb fari bráðum að deyja út. Þeir hafa lengi vel mótað viðmiðanir og gildi í þessu samfélagi okkar. Það vantar fleiri konur. Fleiri ungmenni sem hafa numið erlendis og hafa breiða lífssýn. Þessir kallar. Æi. Nei.