Leikhús sleikhús

Púff smúff. Ég var í leikhúsi. Fer eiginlega aldrei ótilneydd í svoleiðis en núna varð ég semsagt að fara og fyrir valinu varð Úlfhamssaga. Æææææ...

Ég hef sko alveg stundum verið heppinn og lifað mig inn í leikrit, en það er afar sjaldan sem það gerist og ekki gerðist það í kvöld. Ég var bara upptekin af þessum gólum og hoppi og híi og rosa "fusík" og kroppasveiflum hægri vinstri. Fólk í hörbuxum að glenna upp augun og leggja rosalega áherslu á stafinn R.

Það sambærilegasta sem ég get fundið við þessar leikhúsupplifanir mínar er að geraða undir áhrifum áfengis. Allt verður svona gervilegt og þetta eru bara tveir tilgerðarlegir skrokkar í tóminu að klessast utan í hvorn annan. Fattaru? Alveg leim.