Helvíts íslenska hestafífl

Gaman að þessum hestafréttum sem Frétt ehf þrykkir á prent.

Auðvitað bar hún af þessi um mannroluna sem var að riðlast aftan á merunum og það toppar hana ekkert. Í dag var þó ein sem skorar hátt. Hún sagði frá því hvernig lífverðir Elísabetar drottingar vildu berja einhverja íslenska knapa fyrir að hafa stolið af þeim titlinum "stjarna sýningarinnar" á hestasýningu í Bretlandi. Jónas R. Jónasson, umboðsmaður íslenska hestsins (sem er líka mjög skemmtilegt) var vitni að þessu öllu og sagði að bretarnir hefðu komið inn á bar alveg brálaðir og gargað á heimsmeistarann í tölti "Hvað eruð þið að stela titlinum af okkur. Hvað haldiði að þið séuð... íslendingar. Þið eruð bara fífl!!"...

Mjög skemmtilegt. Svona viðbrögð myndi ég vilja sjá í fegurðarsamkeppnum. En ætli fegurðardúllurnar skorti ekki testósterónið sem lífverðirnir eru fullir af. Held reyndar að gellur í fitness keppnum láti tapsærindin fara meira með sig en fegurðardrottingar, enda vel pumpaðar oft.