Á morgun er ég að fara á demantasýningu og horfa á ríkt fólk í fínni veislu. Tek viðtal og helli í glös. Það verður stemmning yfir því, ha? Það sem maður gerir er stundum mjög skrítið. Stundum finnst mér skrítið hvernig maður getur verið að gera eitthvað eitt á mánudegi og annað á fimmtudegi. Eitthvað gerólíkt. Eins og eina vikuna þá var ég á shortstop löggu barnum í LA á mánudegi, strunsaði um Manhattan á miðvikudegi og sat svo í sumarbústað á Úlfljótsvatni á laugardegi. Eða þegar maður tekur kannski viðtal við biskup á þriðjudegi og strippara á miðvikudegi. Eða talar við alzheimerískt gamalmenni um morguninn og slakar svo með Geir Horde um kvöldið. Þetta er frekar skemmtilegt. Ég fíla það allavega. Leiðist mjög sjaldan.