Kamilla: Þú ert fáviti Pétur, þú veist ekkert hvað þú vilt!
Pétur: Kommon!
Kamilla fær sér smók og horfir ákveðinn á Pétur: Kommon hommon, þú veist það bara ekkert. Ef þú værir með skott þá væriðu að elta það núna. Hún er búin að segja þér upp og þú ert bara eitthvað að hanga og bíða eftir því að hún vilji þig aftur af því þér dettur ekkert betra í hug að gera. Af hverju ferðu ekki og gerir eitthvað? Hvað ertu að eiða orkunni í þetta?
Pétur, boginn í baki: Má ég fá það framan í þig?
Kamilla: Ertu eitthvað geðveikur Pétur?!
Pétur: Nei, en ef ég mætti það þá þætti mér ég vera einhvers virði. Mér þætti ég karl í krapinu.
Kamilla: Þú ert karl í krappinu Pétur. Kondu þér út!
Pétur: Já, en mér finnst þú svo sæt...
Kamilla: Haltu kjafti Pétur og kondu þér út!
Pétur, hneppir frá buxunum: Geerrrrðu það... viltu ekki bara sjúgannámér eðeitthvað...
Kamilla: Pétur mér finnst þú fáránlegur. Hringdu frekar í hana og láttu hana dömpa þér einu sinni enn. Þá geturðu fengið kikk út úr sjálfsvorkuninni. Farðu svo heim til þín og reyndu að sjúgaðigeðeitthvað... Varstu ekki að tala um að þig langaði svo í jóga? Þú getur lagst á bakið og tékkað á því hvað þú kemur hausnum langt upp í rassgat.
Pétur: Kamilla, þú ert svo sæt þegar þú ert reið.
Kamilla: Ef ég gæti það þá myndi ég berja þig núna. Þú ert paþettikk... eins og fluga föst í hundaskít. Mér finnst þú alveg síðasta sort...

Kamilla stendur upp og gengur inn í eldhús. Opnar eldhúsgluggann og æpir: ÞAÐ ER HÁLFVITI INNI Í STOFU HJÁ MÉR. Stuttu síðar fara eldhúsgluggar í hverfinu að opnast og út úr sílúettum koma konur og menn sem kalla: ÞAÐ ER FÁVITI Í SVEFNHERBERGINU MÍNU, ÞAÐ ER FÁVITI Í BÍLSKÚRNUM, ÞAÐ ER FÁVITI Í ELDHÚSINU.... os.frv og fræ frústrasjónarinnar fljúga yfir borginni og þjóta sem leið liggur til Grænlands þar sem þeim rignir eftir tvo daga yfir einhvern vesælan selveiðimann sem á eftir að drekka sig fullann um kvöldið og skjóta í kjölfarið ótrygga eiginkonu sína, latan son og lausgirta dóttur.... kasta sér út í vök, drukkna og endurfæðast nokkrum árum síðar sem sonur Péturs.