Hvernig eru lánin þín?

Þetta er nýjasta pikköpp línan. Var yfirheyrð í fyrradag um lána og eignastöðu mína og í kjölfarið sagð'ann. Ég verð að fá að kynna þig fyrir vini mínum. Hann er ekki heldur með myntkörfulán.

Sjarmerandi?

Nei.

Og nú hefur enginn áhuga á gleiðgosum úr bankageiranum. Og ekki smiðum heldur. Hvað er þá nýjasta katsið? Jú... Sjómenn. Back to the roots.

Ég hef reyndar lengi haft þá trú að sjómenn hljóti að vera fyrirtaks karlkostir. Íbúðirnar þeirra eru úti á landi og kosta hvort sem er ekki neitt. Þeir skaffa vel og eru ekki alltaf oní manni. Rómantík meðan þeir eru í landi og ágætis friður til að lesa og svona þegar þeir eru að heiman. Ljómandi.
-Netfangið mitt er í símaskránni.

.