Langvinn lúngnateppa

Eigum við ekki aðeins að fara að slappa af með slappa sjónvarpsefnið? Æsispennandi heimildamynd um langvinna lúngnateppu var í varpinu í gær. Ja hér?! Ég hefði frekar viljað sjá heimildarmynd um týnda jólasveininn Lungnasletti. Sá hafði lungun utan á sér og barði fólk með þeim ef svoleiðis lá á honum. Reyndar var mikið meira fútt í þessum gleymdu jólasveinum heldur en þessum sem Jóhannes úr Kötlum gerði eftirminnilega í vísunni. Og þeir voru sumir hverjir súrrealískt nastý. Eins og þetta að berja fólk með blautum lúngum. Svo voru líka jólastelpur. Eins og t.d. hún flotnös sem rauk að askinum þínum og saug feitina í nefið eins og snögg vindhviða. Ljóskurnar sem hanga á Vegamótum og totta popprara fyrir kóki blikna í samanburðinum við hana Flotnös. Fleiri Flotnasir takk!