Einu sinni trúði fólk því virkilega að dauðir sjómenn gætu farið að drekka í gegnum aðra. Gúndi varð kannski allt í einu rosalega fullur trekk í trekk og hegðaði sér eins og fáviti. Þá var það bara útskýrt með því að það væri látinn sjómaður að drekka í gegnum hann. Hvað er það? Ha? ""Jæja, þá er skipperinn kominn í hann Gúnda, eina ferðina enn. Ætlar þessu ekkert að linna..."

Núna fara menn bara í áfengismeðferðir en mikið væri gaman að vera alki og láta særa úr sér "sjómanninn" með kertum og tjanti og þulum og biblíu og feitri konu sem labbar hringi í kringum mann og þannig. Meira kúl en að vera í slopp á Vogi með pilluætum og hafa Þórarinn Tyrfingson þrumandi eitthvað yfir sér.

Ég ætla að stofna svona meðferðarheimili sem særir fulla, dauða skippera úr fólki.