Topp 5 listi ásamt myndum

Natasha Kinski


Svo eru náttúrlega alltaf einhver prósent af manni sem eru samkynhneigð þannig að ég verð víst að koma með kynskessur á móti kyntröllum. Þessi pervertismi er eiginlega allur úr æsku af því þá var ég mjög samkynhneigð. Svo mikið að ég var með risa plakat af Natössju Kinski uppi á vegg og varð öll skrítin yfir Sophiu Loren. Ég er að tala um þegar ég var svona fimm ára. Þá átti Sophia hug minn, en Natassja kom þegar ég varð svona 12-13 ára. Enn stend ég fast á því að Natassja sé fallegasta og kynþokkafyllsta kona jarðar. Það komast fáar með tærnar þar sem hún hefur hælana. Bara guðdómurinn í einni af sinni fallegustu myndum... eins og Johnny Depp... ROSALEGA held ég að þau tvö myndu eignast fögur börn!... vá, ég bíð ekki í það... en hún tók sig til og byrjaði með Linton Kwesi Johnson eða eitthvað. Einhverjum svörtum, fjúsjón djassista. Góður biti í djasskjaft. Ég hata fjúsjón djass. Elska Natössju.



Sophia Loren


Sophia er svo sæt að nokkrir karlar sem vinna með mömmu, halda alltaf upp á afmælisdaginn hennar. Þá mæta þeir með vöfflujárn og gera vöfflur og læti og hengja upp myndir af henni. Þeir tilbiðja hana sem einskonar gyðju/goð/guð og hneigja sig fyrir myndinni. Án gríns!

Audrey


Einu sinni átti ég kærasta sem fannst ég lík þessari konu. Það fannst mér gaman enda ekki leiðum að líkjast. Mörgum þykir hún afbragð allra kvenna. Lék Elisu Dolittle í My Fair Lady og yndið í Breakfast at Tiffany´s. Voða mikið að leika lágstétta stelpur sem urðu að dömum... líka í myndinni Sabrina. Audrey hjálpaði börnum og vann óeigngjörn störf í þágu mannúðarmála. Hún var víst rosalega góð kona og var falleg fram á sinn síðasta dag.

Patricia Arquette


Vrowwww... Hún er dýr. Ótrúlega flott. Æði í Lost Highway og Human Behaviour og True Romance... sérstaklega í True Romance. Flottar skakkar tennur og ótrúleg úlfa augu sem horfa í gegnum fólk eða inn í undirvitundina eða eitthvað í þá áttina. Svo er hún stundum ferlega fín leikkona.

þetta eru bara fjórar kynskessur á listanum... þá verður fimmta bara bónus skessa og kemur seinna...