Eftir að hafa lesið um Hneykslin sem skekja Símann í Fréttablaðinu í dag þá furða ég mig á því hvernig nokkur manneskja getur viljað versla við þetta ormétna fyrirtæki. Þvílíkt og önnur eins Sikiley sem þetta samfélag hérna er og Síminn þar ofalega á blaði í spillingu, græðgi, bráðalátum og skammsýni.

Í gær var ég stödd á Séð og Heyrt (eina blaðið á landinu sem hefur það í ritstjórnarstefnu sinni að vera jákvætt!) þegar ungur blaðamaður kemur sprangandi inn til Kristjáns og Bjarna og tilkynnir okkur að það sé verið að innsigla Thorvaldsen og henda fólki út. Gaman að þessu. Maður spyr sig... Hvað ætli múraraskrattinn hafi stungið miklu undan??(Sveinbjörn er múrari að mennt). Hann byrjaði 99 og var að bara þar til í síðasta mánuði og eflaust alltaf friður fyrir hann til að dunda sér við þetta vegna þess að athyglin var öll á þessum fyrrverandi forstjóra Þórarni, sem hefur þá pottþétt staðið gleiður með grísalega ýstruna að skipa strákunum fyrir um hvernig adsl strengurinn ætti að liggja í sumarbústaðinn hans, eða tjilla á Óðal með Jóni í Stjörnuljósum. Meanwhile, back at the ranchSitur Sveppi (eins og hann var kallaður í Kópavogi) með svitadropa á enni og mokar inn til að Ripp Rapp og Rupp eigi fyrir meira kók og meira gútsí.