Maður sveiflast á milli þess að vera gelgja, kona, stelpa, strákur, villingur, prúð, þroskuð, óþroskuð... áhugamálin sveiflast... og svo sveiflast taskan, og skapið líka af því ég er ennþá í sama rugl ástandinu og áðan. Drekk sódavatn og reyki rettur. Kojótí öglí er í sjónvarpinu og þetta er rosalega öglí mynd. Að hugsa sér að fólk skuli mótast af Friends og svona myndum og allskonar veseni. Mikjáll Torfason var eitthvað að segja að við værum ekki í tengslum við veruleikann. Það er eitthvað til í þessu hjá stráknum. Er ekki best að prógrammera sig bara eftir eigin geðþótta með því að sneiða meðvitað framhjá sjónvarpsefni. Fólk talar um Chandler og Fíbí (sem ég hef aldrei fylgst með en þekki af afspurn) eins og vini sína. Þá vel ég frekar Dallas. Sue Ellen er góð vinkona. Betri en þessi kynþokkalausa kerling hún Jennifer Aniston. Sue hafði allavega alkóhól problem og einhvern svona letilegan, taugaveiklaðan kynþokka. Jennifer hefur ekki einusinni rass.

Dóttir vinkonu minnar gleypti batterí í gær. Fór í röntgen og það var fast einhverstaðar og fór ekki ofan í maga. Verður að fara aftur á morgun. Ég er að hugsa um að fara og sýna henni hvolpa. Hressa hana við þegar hún er búin að þessu. Vonandi næst helvítis batteríið! Þetta er ógeðslegt. Hún er 4 ára og alveg frábær.

Þegar ég var lítil tróð ég öllum fjandanum í mig og gleypti hitt og þetta. Stakk líka logsuðuvírum inn í innstungu. Það var stuð.